“Flydubai” şirkəti 150 ədəd A321neo təyyarəsi alır
Qahirə, 18 noyabr, AZƏRTAC
Birləşmiş Ərəb Əmirliklərinin (BƏƏ) “Flydubai” şirkəti 150 ədəd A321neo təyyarəsi alır.
AZƏRTAC BƏƏ-nin rəsmi xəbər agentliyinə istinadla bildirir ki, bununla bağlı “Airbus” şirkəti ilə anlaşma memorandumu imzalanıb.
“Flydubai” 57 ölkədə 135-dən çox istiqaməti əhatə edir.
A321neo təyyarələri “Airbus A320” ailəsinin bir hissəsidir və yeni nəsil mühərriklər, Sharklet texnologiyası və kabin səmərəliliyini artıran sistemlər daxil olmaqla, ən son texnologiyaları özündə birləşdirir. Bu təyyarələr əvvəlki nəsil təyyarələrlə müqayisədə yanacağa 20 faizdən çox qənaət edir və CO2 emissiyalarının azaldılmasını təmin edir.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
