“Forbes”ə görə ilin qadını Krasnoyarskdan 73 yaşlı həkim oldu
Bakı, 5 yanvar, AZƏRTAC
“Forbes” jurnalının versiyasına görə, ilin qadını Krasnoyarskdan olan 73 yaşlı həkim Alevtina Xorinyakdır.
AZƏRTAC Rusiya kütləvi informasiya vasitələrinə istinadla xəbər verir ki, 2009-cu ildə 50 illik staja malik bu terapevt qadın özünün onkoloji xəstə tanışına güclü ağrıkəsici müəyyən edərək resept yazmışdı. Qeyd edək ki, həkimin bu hərəkəti qanuna zidd idi. Odur ki, 2011-ci ildə Alevtina Xorinyaka cinayət işi açıldı. 2013-cü ildə onu Rusiya Federasiyasının Cinayət Məcəlləsinin “sənədlərin saxtalaşdırılması”, “güclü təsiredici maddələrin satış məqsədilə qeyri-qanuni dövriyyəsi” maddələri ilə ittiham etdilər. Qadına 15 min rubl cərimə kəsildi.
Lakin 2014-cü ildə işin təkrar araşdırılması məhkəmənin mövqeyini yenidən nəzərdən keçirməyə imkan yaratdı. Nəticədə həkimə bəraət qazandırdılar.
“Forbes” jurnalının onluğunda həkimdən başqa, Rusiyadan Filds mükafatı sahibi Miriam Mirzaxani, ən gənc qadın milyarder Elizabet Holms, ən gənc Nobel mükafatı laureatı Malalu Yusufzay da daxildirlər.
Bölmənin digər xəbərləri
