Formula 1: Avstraliya koronavirus epidemiyasına qarşı yeni tədbirlər görür
Bakı, 5 mart, AZƏRTAC
Avstraliya hakimiyyəti koronavirus epidemiyasına qarşı yeni tədbirlər görür. Bundan sonra, İtaliyadan gələn bütün turistlərə əlavə nəzarət tədbirləri tətbiq ediləcək. Əslində bu, ölkədə sərhəd nəzarətinin daha da gücləndirilməsi və sərhəddən keçid zamanı temperaturun ölçülməsi ilə yanaşı, əlavə yoxlamaların da tətbiq edilməsi deməkdir.
AZƏRTAC xəbər verir ki, Formula 1 Avstraliya Qran-Prisinin promouteri Endrü Uestakott Melburnun “3AV” radio stansiyasının efirində ölkənin Səhiyyə Nazirliyinin və Milli Təhlükəsizlik Xidmətinin ölkə vətəndaşlarının təhlükəsizliyini rəhbər tutduğunu və bütün lazımi tədbirləri gördüyünü bildirib.
Sabahdan Formula 1 komandalarının yarış avadanlığı ilə ölkəyə gəlməyə başlayacağını bildirən E.Uestakott sərhəddə əlavə yoxlamaların Formula 1 işçilərinə də tətbiq olunacağını bildirib. Promouter vurğulayıb ki, komandalar özləri də yəqin vəziyyəti nəzarətdə saxlayırlar və şübhəsiz, heç kim özünü təhlükəyə atmaq istəmir.
Bölmənin digər xəbərləri
