FOTOŞƏKİLDƏ GÜLÜMSƏYƏN KANADALILARA PASPORT VERİLMƏYƏCƏK
Məsələ bundadır ki, fotoşəkildə təbəssümə bürünmüş sifət Kanada Pasport İdarəsinin qoyduğu qaydalara uyğun deyildir. Yeni qaydalara görə, fotoşəkildə vətəndaşın üzü heç nə ifadə etməməli, dodaqları bitişik olmalı, şəkil çəkilən anda nəzərləri kameranın obyektivinə dikilməlidir. Pasport İdarəsinin nümayəndəsi bildirmişdir ki, bu tələblər Beynəlxalq Mülki Aviasiya Təşkilatının (İKAO) tövsiyələrindən irəli gəlir və hava limanlarındakı təhlükəsizlik xidmətləri əməkdaşlarının sərnişinləri pasportdakı şəkillə yoxlamaq işini asanlaşdırmalıdır.
Sifətin ifadəsi ilə yanaşı, pasport üçün fototəsvirin digər xüsusiyyətləri də tənzimlənir. Məsələn, üzü örtən duvaqla çəkilmiş şəkil qəbul edilmir. Lakin şəkil çəkdirərkən eynəyi çıxarmamaq olar, bir şərtlə ki, onun linzaları arxasında göz aydın görünsün. Parancada da şəkil çəkdirmək olmaz. Bəs baş geyimini çıxarmağı yasaqlayan dinin nümayəndələri nə etməlidirlər? Onlara güzəştə gedilə bilər, bir şərtlə ki, fotoşəkildə üzün bütün cizgiləri görünsün.
Bölmənin digər xəbərləri
