Fövqəladə Hallar Nazirliyi Yasamal rayonunda baş vermiş yanğınla bağlı məlumat yayıb
Bakı, 4 may, AZƏRTAC
Fövqəladə Hallar Nazirliyi (FHN ) Yasamal rayonunda baş vermiş yanğınla bağlı məlumat yayıb.
FHN-dən AZƏRTAC -a bildiriblər ki, Yasamal rayonunda ikimərtəbəli taxta konstruksiyalardan ibarət kommunal tipli yaşayış binasının 2-ci mərtəbəsində ümumi sahəsi 106 kvadratmetr olan üçotaqlı mənzildə yanğın baş verib. Hadisə nəticəsində mənzilin 95 kvadratmetr sahəsi içərisindəki əşyalarla birlikdə yanıb. Binanın qalan hissəsi yanğından mühafizə olunub. Alov yanğından mühafizə bölmələri tərəfindən söndürülüb.
Hadisə ilə bağlı müvafiq qurumlar tərəfindən araşdırma aparılır.
Bölmənin digər xəbərləri
