FRANSADA ÇÖRƏYİN VƏ SİQARETİN QİYMƏTLƏRİ QALXIR
Fransada bəzi gündəlik tələbat malların qiymətləri bahalaşır. Oktyabr ayının 1-dən tütün məmulatının qiyməti 18 faizdən 20 faizədək artırılacaqdır. Ən bahalı siqaretin 1 qutusunun qiyməti 4 avrodan artırılaraq 4,6 avroya çatdırılacaqdır. Son iki ildə siqaretin qiyməti bir neçə dəfə artmışdır. Belə ki, bu məhsul 2002-ci ildə 9 faiz, 2003-cü ilin əvvəllərində isə 8-16 faiz bahalaşmışdır.
Havaların isti və quraq keçməsi digər sahələrlə yanaşı, Fransanın kənd təsərrüfatına da ciddi ziyan vurmuşdur. Ölkənin ixracatında əsas rol oynayan buğda əkinlərinin məhsuldarlığı xeyli aşağı düşmüşdür. Buğdanın bahalaşması ilə əlaqədar çörəyin qiyməti də qaldırılacaqdır.
Bölmənin digər xəbərləri
