FRANSADA İNSAN TƏLƏFATI İLƏ NƏTİCƏLƏNƏN FACİƏ BAŞ VERMİŞDİR
AZƏRTAC-ın xüsusi müxbiri Parisdən xəbər verir ki, Fransanın Laur-Atlantik departamentinin San-Nazer limanının tərsanəsində çoxlu insan təlafatına səbəb olmuş faciə baş vermişdir. Okean sularına buraxılmaq üçün hazırlanan nəhəng “Kuin-Mari-2” gəmisi ilə limanı birləşdirən 20 metr hündürlükdəki körpünün uçması nəticəsində 15 nəfər həlak olmuş, 27 nəfər müxtəlif dərəcəli xəsarət almışdır. Xilasedicilər zərərçəkənlərə təcili tibbi yardım göstərmiş və onlar xəstəxanada yerləşdirilmişlər. Ağır vəziyyətdə xəstəxanaya çatdırılanlardan üç nəfərin həyatını xilas etmək mümkün olmamışdır.
Ölkənin prezidenti Jak Şirak, baş nazir Jan-Pyer Raffaren, daxili işlər naziri Nikola Sarkozi və digər dövlət məmurları hadisə yerinə gəlmiş, həlak olanların yaxın qohumlarına başsağlığı vermişlər. San-Nazer şəhərinin prokurorluğu baş vermiş faciə ilə bağlı dərhal cinayət işi qaldırmışdır. Hadisənin səbəbini araşdırmaq üçün xüsusi qrup yaradılmışdır.
Bölmənin digər xəbərləri
