Fransanın Oksitani regionunda yaşayan soydaşlarımız üçün səyyar konsulluq xidməti təşkil olunub
Tuluza, 10 may, AZƏRTAC
Azərbaycanın Fransadakı səfirliyi bu ölkədə yaşayan soydaşlarımız üçün səyyar konsulluq xidmətinin təşkilini davam etdirir.
AZƏRTAC xəbər verir ki, səfirlik tərəfindən növbəti səyyar konsulluq xidməti bu ölkənin Oksitani regionunda yaşayan soydaşlarımız üçün Tuluza şəhərində təşkil olunub.
Konsul Vüqar Əliyev səyyar konsulluq xidməti çərçivəsində soydaşlarımıza hüquqi yardım göstərərək, xidmətlə bağlı, eləcə də onları maraqlandıran digər hüquqi sualları cavablandırıb. Səyyar xidmət çərçivəsində soydaşlarımızın müvafiq sənədlərinin rəsmiləşdirilməsi həyata keçirilib. Onların qarşılaşdığı vəziyyətlərlə bağlı Azərbaycan qanunvericiliyinə uyğun məsləhətlər verilib.
Qeyd edək ki, Fransada yaşayan soydaşlarımıza səyyar konsulluq xidmətinin göstərilməsi onlara maddi baxımdan olduğu kimi, milli qanunvericiliyimizdəki yeniliklərlə bağlı məlumatlanmalarına da yardımçı olur.
Şəhla Ağalarova
AZƏRTAC-ın xüsusi müxbiri
Tuluza
Bölmənin digər xəbərləri
