FUTZAL ÜZRƏ YIĞMA KOMANDAYA NAMİZƏDLƏRİN ADLARI AÇIQLANMIŞDIR
AZƏRTAC xəbər verir ki, Avropa çempionatının əsas seçmə qrup oyunlarında iştirak edəcək Azərbaycanın futzal üzrə yığma komandasına namizədlərin adları açıqlanmışdır.
Fevralın 10-da başlanacaq sonuncu təlim-məşq toplantısına Ramil Həsənzadə, Marat Salyanski, Sindey Aneres, Ağatahir Əzimov, Rəşadət Allahyarov, Rizvan Fərzəliyev, İlham Əzizzadə, Vitali Borisov, Rəcəb Fərəczadə, Natiq Məmmədkərimov, Namiq Məmmədkərimov, Seymur Məmmədov, Müslüm Hüseynov, Sərxan Mikayılov və Murad Xaybullayev dəvət olunmuşlar.
Səkkiz gün davam edəcək toplantılardan sonra 14 ən yaxşı futzalçı dördüncü qrupun oyunlarının keçiriləcəyi Hollandiyaya yola düşəcəkdir.
Xatırladaq ki, fevralın 22-25-də keçiriləcək qrup oyunlarında Azərbaycan futzalçılarının rəqibləri meydan sahibi Hollandiya, Serbiya və Finlandiya yığma komandaları olacaqlar.
Bölmənin digər xəbərləri
