Füzuli rayonunun işğaldan azad edilmiş kəndində xəstəxana əsaslı təmirdən sonra istifadəyə verildi
Füzuli, 16 iyul (AZƏRTAC, Tahir Ağaməmmədov). Füzuli rayonunun işğaldan azad edilmiş Böyük Bəhmənli kəndinin 25 yerlik xəstəxanası əsaslı təmirdən sonra istifadəyə verildi.
AZƏRTAC xəbər verir ki, bu münasibətlə keçirilən mərasimdə çıxış edənlər kənd sakinlərini təbrik edərək, Füzuli rayonunda bütün sahələr kimi, səhiyyənin də maddi-texniki bazasının müasirləşdirilməsi, əhaliyə göstərilən tibbi xidmətin keyfiyyətinin yaxşılaşdırılması istiqamətində görülən işlərdən danışdılar.
Kənd sakinləri ölkəmizdə səhiyyənin inkişafına, tibb ocaqlarının maddi-texniki bazasının möhkəmləndirilməsinə və əhalinin sağlamlığına göstərilən diqqət və qayğıya görə Prezident İlham Əliyevə minnətdarlıqlarını bildirdilər.
Sonda iştirakçılar xəstəxanada yaradılan şəraitlə tanış oldular. Lazımi avadanlıqla təmin olunmuş binada əhaliyə tibb xidməti göstərmək üçün hər cür şərait yaradılıb.
Bölmənin digər xəbərləri
