GƏLƏN İL ƏSAS NEFT MƏHSULLARININ İSTEHSALININ ARTACAĞI GÖZLƏNİLİR
Gələn il Azərbaycanda əsas növ neft məhsullarının istehsal artımı cari ilin proqnoz göstəricilərinə nisbətən yüksək olacaqdır. Dövlət Neft Şirkətindən AZƏRTAC-a bildirmişlər ki, hökumətin proqnozlarına görə, 2004-cü ildə benzin istehsalı 956 min ton təşkil edəcək ki, bu da cari illə müqayisədə 3,51 faiz çoxdur. Bununla yanaşı, avtomobil benzininin 2,8 faiz, yəni 656 min ton, ilkin emal benzininin isə 4,5 faiz artacağı gözlənilir. 2004-cü ildə dizel yanacağı istehsalı 1 milyon 493 min tona
(5,1 faiz), təyyarə yanacağı isə 574,8 min tona (2,9 faiz) çatdırılacaqdır. Gələn il 90 min ton neft koksu, 80 min ton neft bitumu istehsal olunacağı gözlənilir.
İstehsal həcmi nisbətən aşağı salınan yeganə növ məhsul yanacaq mazutudur. Bu növdən gələn il cari illə müqayisədə 11,3 faiz az, yəni 2 milyon 140 min ton istehsal etmək proqnozlaşdırılmışdır.
Bölmənin digər xəbərləri
