Gənc gimnast: Beynəlxalq yarışlarda Azərbaycanı təmsil etmək istəyirəm
Bakı, 29 iyun, AZƏRTAC
Bakıda keçirilən idman gimnastikası üzrə Azərbaycan birinciliyi və paytaxt çempionatı yüksək səviyyədə təşkil edilib.
Bu sözləri AZƏRTAC-a müsahibəsində yarışların iştirakçısı Əhməd Rüstəm söyləyib.
Çıxışları zamanı həyəcan keçirdiyini bildirən gimnast deyib ki, məşqçisi onun çıxışlarını normal qiymətləndirib.
İlk dəfə Azərbaycanda çıxış edən Əhmədin fikrincə, Milli Gimnastika Arenası mükəmməldir. Nəticələrin dərhal göründüyü böyük ekran güclü təəssürat oyadır.
Gimnast deyib ki, çıxışlarından sonra dərhal Ukraynada yaşayan valideynlərinə zəng edir. Əhməd Azərbaycanın idman şərəfini qorumaq üçün öz istəyi ilə Vətənə dönüb. Onun ən böyük arzusu Azərbaycan yığmasının heyətində çıxış etmək və beynəlxalq yarışlarda ölkəmizi təmsil etməkdir.
Bölmənin digər xəbərləri
