GƏNCƏ TEATRI 85 İLLİYİNİ QEYD EDƏCƏK
AZƏRTAC xəbər verir ki, 85 yaşı tamam olan Cəfər Cabbarlı adına Gəncə Dövlət Dram Teatrının kollektivi sənətsevərlərə daha bir səhnə əsəri təqdim etmişdir. Novruz Cəfərovun “Kədərli zarafat” pyesinə quruluş verən teatrın rejissoru, əməkdar incəsənət xadimi Vaqif Şərifov demişdir ki, təkcə Gəncənin deyil, respublikamızın mədəni həyatında əlamətdar hadisəyə çevrilən yubiley tədbirlərinə daxil edilmiş bu yeni tamaşa müasirlərimizin həyatından bəhs edir.
İnsanlar arasındakı münasibətlər və bu münasibətlərdəki eybəcərliklərin tənqidi tamaşanın əsas leytmotivini təşkil edir. Gündəlik həyatımızda rast gəldiyimiz məzəli hadisələrin ibrətamiz mahiyyəti səhnə dili ilə tamaşaçılara çatdırılır.
Bölmənin digər xəbərləri
