GƏNCƏDƏ AVROPA ÖLKƏLƏRİNDƏN OLAN GƏNCLƏRİN İŞTİRAKI İLƏ GÖRÜŞ KEÇİRİLMİŞDİR
Gəncə, 26 oktyabr (AZƏRTAC). Respublika Gənclər və İdman Nazirliyinin “Gələcəyə körpü” ictimai birliyi ilə birgə Gəncədə “Gənclər fəaliyyətdə” proqramı çərçivəsində Avropanın müxtəlif ölkələrinin gəncləri ilə görüş keçirilmişdir.
Belçika, Portuqaliya, Türkiyə, Polşa, Finlandiya, Ukrayna, ümumilikdə 10 ölkəni təmsil edən gənclərlə yerli qeyri-hökumət təşkilatları nümayəndələrinin görüşündə layihənin dəstəkçisi, “SALTO” Qərbi Avropa və Resurs Mərkəzinin təmsilçisi Andrey Pavloviç tədbirin məqsəd və vəzifələrindən danışmışdır.
Görüş iştirakçıları ilə “Gənclər mübadilə” və “Avropa könüllülük prinsipləri” proqramları çərçivəsində müzakirələr aparılmış, maraqlı diskussiyalar keçirilmişdir.
Bölmənin digər xəbərləri
