Gəncədə daha bir bazarın fəaliyyəti dayandırılmışdır
Gəncə, 13 may (AZƏRTAC). Gəncə Şəhər Gigiyena və Epidemiologiya Mərkəzi əməkdaşlarının apardıqları yoxlamalar nəticəsində “Nəhəng dağ” MMC-yə məxsus bazarın fəaliyyəti dayandırılmışdır.
Mərkəz direktorunun müavini Fazil Nəbiyevin AZƏRTAC-a verdiyi məlumata görə, reyd zamanı şəhərdə kənd təsərrüfatı məhsullarının satışını həyata keçirən bu bazarda tam antisanitariyanın hökm sürdüyü aşkar edilmişdir. Su-kanalizasiya xətlərinin olmaması və uzun illər təmir işlərinin aparılmaması nəticəsində bazarda acınacaqlı vəziyyət yaranmış, tullantıların vaxtında daşınmaması nəticəsində ərazidəki üfunət sakinlərin də narazılığına səbəb olmuşdu.
Bütün bunları nəzərə alan mərkəz bazarın fəaliyyətini dayandırmış və yoxlama sənədlərini əlaqədar orqanlara göndərmişdir.
Bölmənin digər xəbərləri
