Gəncədə və Şəkidə treninqlər keçirilmişdir
Bakı, 30 oktyabr (AZƏRTAC). Oktyabrın 30-da Bakı Biznes Tədris Mərkəzinin Gəncə nümayəndəliyinin təşkilatçılığı ilə Azərbaycan Əlil Qadınlar Cəmiyyətinin Gəncə şəhər şöbəsində əlil qadınlar üçün, Şəki nümayəndəliyinin təşkilatçılığı ilə isə Azərbaycan Müəllimlər İnstitutunun Şəki filialında gənclər üçün treninqlər keçirilmişdir.
İqtisadiyyat və Sənaye Nazirliyinin mətbuat xidmətindən AZƏRTAC-a bildirmişlər ki, “Biznes ideyanı yarat” və “Öz biznesinə başla” mövzularında təşkil olunmuş treninqlərdə biznes-ideyanın yaradılması, biznes-planların tərtib edilməsi, SWOT təhlilin aparılması və bu sahədə beynəlxalq təcrübə, maliyyə planlarının hazırlanması, innovativ texnologiyaların tətbiqi, yeni məhsul istehsalının və yeni xidmətlərin göstərilməsinin təşkili, insan resurslarının peşə hazırlığı səviyyəsinin yüksəldilməsi və s. barədə geniş məlumat verilmişdir.
Bölmənin digər xəbərləri
