GƏNCƏDƏ YENİ AVTOVAĞZAL TİKİLİR
Respublikamızın ikinci sənaye və mədəniyyət mərkəzi olan Gəncədə yeni avtovağzalın tikintisinə başlanmışdır. Müasir üslubda inşa edilən və sərnişinlərin rahatlığı üçün hər cür şəraiti olacaq yeni avtovağzal istifadəyə verildikdən sonra buradan həm respublikamızın şəhər və rayonlarına, həm də ölkəmizdən kənara müxtəlif marşrutlar üzrə onlarca avtobus işləyəcəkdir. Layihəyə əsasən, avtovağzalda müxtəlif iaşə obyektləri, rabitə, tibbi yardım və istirahət otaqları da olacaqdır.
