GƏNCLƏR ÜÇÜN REGİONAL SEMİNAR KEÇİRİLMİŞDİR
Ağdaş, Göyçay, Qəbələ, Mingəçevir, Ucar və Kürdəmirdən olan gənclərin iştirak etdikləri tədbirdə gənclər arasında cinsi yolla infeksiyalara və QİÇS-ə yoluxma hallarından, eləcə də gender zorakılığı, qadın alveri və narkotik vasitələrdən istifadənin törətdiyi acı fəsadlardan söz açılmışdır.
Təlimdə gənclərin mövzu ilə bağlı fikir və təklifləri öyrənilmiş, onların bu sahədə biliklərinin artırılması məqsədilə mühazirələr oxunmuşdur. Həmçinin gənc qızların erkən ailə qurmaları nəticəsində onların sağlamlığında yaranan problemlər və qızların təhsildən yayınmalarının törətdiyi mənfi fəsadlar barədə fikir mübadiləsi aparılmışdır.
Gənclərə maarifləndirici kitabça və bukletlər paylanmışdır.
