GENETİK EHTİYATLARIN QORUNMASINA DAİR QANUN HAZIRLANIR
Milli Məclisdən AZƏRTAC-a bildirmişlər ki, respublikanın genefondunu qorumaq və inkişaf etdirmək məqsədi ilə yeni qanun layıhəsi hazırlanmışdır. “Genetik ehtiyatların qorunması və bioloji təhlükəsizlik haqqında” Qanun layıhəsi artıq Kənd Təsərrüfatı Nazirliyinin mütəxəssisləri ilə geniş müzakirə edilmişdir. Layihənin hazırlanması zamanı inkişaf etmiş ölkələrin qanunvericilik təcrübəsindən istifadə olunmuşdur.
Respublikamızın görkəmli alimləri yüksək məhsuldar taxıl, üzüm, tütün, meyvə və digər kənd təsərrüfatı məhsulları sortlarını, bir sıra heyvan cinslərini yetişdirmişlər. Təssüflər olsun ki, qanunvericilik bazasının yoxluğu üzündən həmin sort və cinslərin bəzilərini qorumaq mümkün olmamışdır. Digər tərəfdən, ölkəyə gətirilən bəzi məhsullarla genefonda ziyan vuran ziyanvericilər də daxil olur. Bu da heyvan və bitgi genefondu üçün ciddi təhlükə yaradır. Genefonumuza ziyan vura biləcək bütün bu və digər halların qarşısını almaq məqsədilə hazırlanmış qanun layıhəsinin parlamentin yaz sessiyasında qəbul ediləcəyi gözlənilir.
Bölmənin digər xəbərləri
