Gömrük nəzarətindən gizlədilən dərman preparatları aşkarlanıb
Bakı, 31 yanvar, AZƏRTAC
Gömrük nəzarətindən gizlədilən dərman preparatları aşkarlanıb.
Dövlət Gömrük Komitəsinin mətbuat və ictimaiyyətlə əlaqələr idarəsindən AZƏRTAC-a bildirilib ki, Qərb Ərazi Baş Gömrük İdarəsinin “Qırmızı Körpü” gömrük postunda saxlanılan, Gürcüstandan gələn Azərbaycan vətəndaşının idarə etdiyi “Opel Vectra” markalı nəqliyyat vasitəsinə gömrük baxışı keçirilib. Sorğu-sual vaxtı vətəndaş idarə etdiyi nəqliyyat vasitəsində gömrük nəzarətindən gizlədilmiş hər hansı predmetin olmadığını bildirsə də, gömrük baxışı zamanı avtomobilin mühərrikinin arxa hissəsində gizlədilən, üzərində “Adrenalin” yazısı olan 1490 ədəd ampula aşkarlanıb.
Faktla bağlı araşdırma aparılır.
Bölmənin digər xəbərləri
