Gömrük orqanına bəyan edilməyən parfümeriya vasitələri aşkarlanıb
Bakı, 31 yanvar, AZƏRTAC
Gömrük orqanına bəyan edilməyən parfümeriya vasitələri aşkarlanıb.
Dövlət Gömrük Komitəsinin mətbuat və ictimaiyyətlə əlaqələr idarəsindən AZƏRTAC-a bildirilib ki, Qərb Ərazi Baş Gömrük İdarəsinin Əməliyyat və Təhqiqat İdarəsinin Əməliyyat şöbəsinə daxil olan məlumat əsasında “Qırmızı Körpü” gömrük postunda Gürcüstandan Azərbaycana “Mercedes Benz Travego” markalı nəqliyyat vasitəsilə gələn Gürcüstan vətəndaşının avtomobili saxlanılıb və gömrük baxışı keçirilib. Baxışdan öncə, vətəndaş üzərində və idarə etdiyi nəqliyyat vasitəsində gömrük nəzarətindən gizlədilmiş hər hansı predmetin olmadığını bildirib. Daha sonra avtomobilə baxış keçirilib. Baxış zamanı nəqliyyat vasitəsinin salonunda, arxa oturacaqlarının arxasında və oturacaqların yuxarı hissəsində yük qoymaq üçün istifadə olunan yerlərdən gömrük orqanına bəyan olunmayan 206 ədəd müxtəlif adda parfümeriya vasitəsi aşkarlanıb.
Faktla bağlı araşdırma aparılır.
Bölmənin digər xəbərləri
