GÖRKƏMLİ OFTALMOLOQ ALİMİN 85 İLLİYİNƏ HƏSR OLUNMUŞ ELMİ-PRAKTİK KONFRANS KEÇİRİLMİŞDİR
AZƏRTAC xəbər verir ki, Azərbaycan Müəllimlər İnstitutunun Gəncə filialında görkəmli oftalmoloq alim, Azərbaycan Milli Elmlər Akademiyasının həqiqi üzvü, tibb elmləri doktoru, əməkdar elm xadimi Zərifə xanım Əliyevanın anadan olmasının 85 illiyinə həsr olunmuş elmi-praktik konfrans keçirilmişdir.
Konfrans iştirakçıları əvvəlcə Zərifə Əliyevanın ömür-gün yoldaşı, ümummilli liderimiz Heydər Əliyevin abidəsi önünə gül-çıçək dəstələri qoymuşlar.
Müstəqil Azərbaycan dövlətinin banisi və qurucusu Heydər Əliyevin həyat və fəaliyyətindən bəhs edən filmin ulu öndərin Zərifə xanım Əliyeva ilə bağlı ailə həyatının bəzi fraqmentləri nümayiş etdirildikdən sonra konfrans öz işinə başlamışdır.
Konfransda filialın direktoru, fizika-riyaziyyat elmləri doktoru Ramiz Məmmədov oftalmologiya elminin görkəmli tədqiqatçısı, gözəl mütəxəssis, dərin təfəkkürə və zəngin pedaqoji təcrübəyə malik Zərifə xanım Əliyevanın Azərbaycan elminə bəxş etdiyi yeniliklərdən danışmışdir. Sonra filialın müəllimlərindən Gültəkin Verdiyeva, Saimə Məmmədova və Şubay Cəfərovun görkəmli oftalmoloq alimin həyat və yaradıcılığından bəhs edən məruzələri dinlənilmişdir.
Konfrans bölmə iclaslarında öz işini davam etdirmişdir.
Bölmənin digər xəbərləri
