GÖRKƏMLİ TARZƏN SADIQCANIN 160 İLLİYİNƏ HƏSR OLUNMUŞ KONSERT
Tamaşaçılar foyedə Azərbaycan Dövlət Musiqi mədəniyyəti muzeyinin tanınmış sənətkara həsr etdiyi “Sadıqcan və onun davamçıları” adlı fotosərgiyə maraqla baxmışlar.
Milli Konservatoriyanın rektoru, professor Siyavuş Kərimi, Bəstəkarlar İttifaqının katibi, sənətşünaslıq doktoru, professor Ramiz Zöhrabov böyük ustadın həyat və yaradıcılığı haqqında danışmışlar. Tarı diz üstündən sinəyə ilk dəfə məhz Sadıqcanın qaldırdığı diqqətə çatdırılmışdır.
Azərbaycan Dövlət xalq çalğı alətləri orkestrinin (bədii rəhbər və baş dirijor əməkdar incəsənət xadimi Ağaverdi Paşayev), xalq artistləri Xuraman Qasımova, Arif Babayev, Səkinə İsmayılova, Nəzakət Teymurova, Mənsum İbrahimov, tarzən Ramiz Quliyev, əməkdar artistlər Ağasəlim Abdullayev, Elxan Mansurov və başqalarının çıxışları tamaşaçılar tərəfindən hərarətlə qarşılanmışdır.
Bölmənin digər xəbərləri
