Göyçayda akkumulyator oğurlayan keçmiş məhkum saxlanılıb
Bakı, 6 fevral, AZƏRTAC
Göyçay Rayon Polis Şöbəsinə ərizə ilə müraciət edən rayon sakini idarə etdiyi “KamAZ” markalı yük avtomobilinə məxsus ümumi dəyəri 560 manat olan iki akkumulyatorun oğurlanması barədə məlumat verib.
Daxili İşlər Nazirliyinin mətbuat xidmətinin Şəki regional qrupundan AZƏRTAC-a verilən məlumata görə, oğurluğu törətməkdə şübhəli bilinən Gəncə şəhər sakini, əvvəllər məhkum olunmuş Xəyal Talıbov şöbə əməkdaşları tərəfindən keçirilmiş əməliyyat-axtarış tədbirləri nəticəsində saxlanılıb.
Faktla bağlı Göyçay Rayon Polis Şöbəsində araşdırma aparılır. Oğurluq əməlində digər şəxslərin iştirakının olub-olmamasını müəyyənləşdirmək məqsədilə əməliyyat-axtarış tədbirləri davam etdirilir.
Bölmənin digər xəbərləri
