GÖYÇAYDA BARAMAÇILIQ ƏNƏNƏLƏRİ BƏRPA OLUNUR
Göyçay rayonunda baramaçılığın bərpası istiqamətində ilk addımlar atılmışdır.
Rayon icra hakimiyyətinin aqrar şöbəsindən AZƏRTAC-a bildirmişlər ki, bu ildən baramanın satınalma qiymətlərinin artırılması nəticəsində kəndlərdə bu sahənin inkişafına maraq artmışdır. Bu il “Şəki-İpək” ASC-nin Göyçay barama qəbulu məntəqəsinə kəndli-fermerlər tərəfindən 2.550 kiloqram keyfiyyətli məhsul təhvil verilmişdir.
Rayonun Alpoud, Alxasafa, Dövranlı və Şəkili kəndlərinin barama istehsalçıları bu işdə xüsusilə fərqlənmişlər. Baramaçılığın faydasını görən fərdi təsərrüfat sahibləri artıq indidən gələn mövsüm barədə düşünürlər. Yem bazasını gücləndirmək üçün kəndlilər tut tingləri sifariş verirlər.
Rayonda ipəkçiliyi inkişaf etdirmək məqsədi ilə son iki ildə Şəkidə 31 min ədəd tut tingi gətirilib əkilmişdir.
Bölmənin digər xəbərləri
