GÖYÇAYIN TAXIL ZƏMİLƏRİNDƏ GƏMİRİCİLƏRƏ QARŞI CİDDİ MÜBARİZƏ TƏDBİRLƏRİ GÖRÜLÜR
Rayon icra hakimiyyətinin aqrar şöbəsindən bildirmişlər ki, cari il üçün 13 min 735 hektar sahədə taxıl əkini aparılmışdır. Taxıl səpini optimal müddətdə həyata keçirildiyi üçün və havanın əlverişli olması səbəbindən sahələrdə normal bitiş alınmışdır.
Fermerlər qışlamadan çıxan taxıl sahələrindən bol məhsul götürmək üçün erkən yazda əkinlərə aqrotexniki qulluq göstərməyə başlamışlar. Rayon bitki mühafizə mərkəzinin mütəxəssisləri fevral-mart aylarında Qaraməryəm, İnçə, Qarabaqqal, Aşağı Qaraməryəm və Bığır kəndlərindəki taxıl sahələrinə baxış keçirmiş və 1500 hektar sahədə siçanabənzər gəmiricilərin işlək yuvaları aşkar edilmişdir. Gəmiricilərin əkin sahələrinə ziyan vurduğu müşahidə olunmuş və dərhal mübarizə tədbirlərinə başlanılmışdır. Artıq 500 hektar taxıl sahəsində sink-fosfid preparatı ilə dərmanlama işləri görülmüş və gəmiricilərə qarşı mübarizə işləri martın sonunadək başa çatdırılacaqdır.
Bölmənin digər xəbərləri
