Göygöl rayonunda əhalinin tibbi müayinəsi uğurla davam edir
Göygöl, 25 aprel (AZƏRTAC). Göygöl rayonunda əhalinin kütləvi dispanserləşdirilməsi aksiyası başlayandan indiyədək 30 min 215 nəfər tibbi müayinədən keçmişdir. Bu, rayon əhalisinin 85 faizini təşkil edir.
Rayon icra hakimiyyəti başçısının müavini Kəmalə İbrahimova AZƏRTAC-a demişdir ki, artıq 34 yaşayış məntəqəsində müayinələr uğurla yekunlaşmışdır. Müayinələr zamanı heç bir ciddi yoluxucu xəstəlik aşkar edilməmişdir. Müayinədən keçən vətəndaşlardan 6507 nəfəri ambulator, 134 nəfəri stasionar müalicəyə cəlb edilmişdir. Ciddi xəstəlik aşkar edilmiş 25 nəfər isə müalicəsini davam etdirmək üçün Bakı və Gəncə şəhərlərinə göndərilmişdir.
Bölmənin digər xəbərləri
