Güclü külək və aramsız yağışlar Bosniya və Herseqovinada ciddi fəsadlar törədib
Sarayevo, 4 noyabr, AZƏRTAC
Bosniya və Herseqovinada dünən gecədən başlayan və bu gün də davam edən güclü külək və aramsız yağışlar ciddi fəsadlar törədib.
AZƏRTAC xəbər verir ki, paytaxt Sarayevoda güclü külək nəticəsində aşan ağaclar nəqliyyat vasitələrinə ziyan vurub, bəzi rayonlarda isə evlərin dam örtüyü qopub. Külək şəhərdəki reklam lövhələrini aşırıb.
Güclü külək, həmçinin Hrasnitsa rayonundakı “Bambi” zooparkında dağıntılara və ziyana səbəb olub.
Aramsız yağışlar nəticəsində isə ölkənin müxtəlif bölgələrində çaylar daşıb, yolları su basıb. Yağıntılar xüsusilə Yablanitsa-Blidinye və Yablanitsa-Mostar magistral yollarında fəsadlar törədib.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
