Gülay Tahirli: Dövlətimiz hər zaman gənclərin sosial problemlərinin həlli istiqamətində mühüm addımlar atıb
Naxçıvan, 5 mart, AZƏRTAC
Bu gün Azərbaycan gəncliyi özünün ən parlaq dövrünü yaşayır. Dövlətimiz tərəfindən gənclərimizə hərtərəfli diqqət, qayğı və dəstək göstərilir. Bunun nəticəsidir ki, Azərbaycan gəncləri bu gün dünyada öz bilik, bacarıq və savadı ilə seçilirlər.
Bu sözləri AZƏRTAC-ın Naxçıvan bürosuna müsahibəsində Naxçıvan Dövlət Universitetinin Tarix-filologiya fakültəsinin Azərbaycan dili və ədəbiyyatı ixtisasının III kurs tələbəsi Gülay Tahirli deyib.
“Dövlətimiz hər zaman gənclərin sosial problemlərinin həlli istiqamətində mühüm addımlar atıb. Azərbaycan Respublikası Prezidentinin Sərəncamı ilə doktorantların, ali və orta təhsil müəssisələrində bakalavr və magistratura səviyyəsində təhsil alan tələbələrin təqaüdünün artırılması da bu mühüm addımlardan biridir”, - deyən Gülay Tahirli vurğulayıb ki, bu sərəncam elmə, təhsilə meyilli gənclərə stimul verəcək, onların gələcəkdə daha böyük uğurlar qazanmasına səbəb olacaq.
Gülay Tahirli qeyd edib ki, Prezidentin Sərəncamı ilə təqaüd alan tələbələrin sayının tələbələrin ümumi sayına olan nisbətinin artırılması da onların sosial problemlərinin həllinə yönəlmiş bir qərardır.
Bölmənin digər xəbərləri
