Gülhüseyn Abdullayev “V1 Challenge Bulgaria 2015” çempionatının 4-cü mərhələsinin qalibi olub
Bakı, 22 sentyabr, AZƏRTAC
Azərbaycan təmsilçisi Gülhüseyn Abdullayev “V1 Challenge Bulgaria 2015” çempionatının sentyabrın 20-da Bolqarıstanın Stara Zaqora şəhərində keçirilmiş 4-cü mərhələsinin qalibi olub.
Azərbaycan Avtomobil Federasiyasından AZƏRTAC-a bildiriblər ki, bu, Gülhüseyn Abdullayevin çempionatda ikinci qələbəsidir. Avqustun 30-da Vinisa kvartalındakı “Varna” kartinqdə keçirilmiş 3-cü mərhələnin də qalibi Azərbaycan təmsilçisi olmuşdu.
Gülhüseyn Abdullayev çempionatda Azərbaycan Avtomobil Federasiyası və Gənclər və İdman Nazirliyinin dəstəyi ilə iştirak edir. Yarışın 4-cü mərhələsində 8 pilot mübarizə aparıb. İkinci və üçüncü yerləri bolqarıstanlı Simeon Donov və Qriqor Qriqorov tutublar.
Bölmənin digər xəbərləri
