GÜRCÜ-OSETİN MÜNAQİŞƏ ZONASINDA POLİS ƏMƏKDAŞLARINA MƏXSUS AVTOMOBİL PARTLADILMIŞDIR
AZƏRTAC-ın xüsusi müxbiri xəbər verir ki, avqustun 1-də gürcü-osetin münaqişə zonasının Böyük və Kiçik Liaxvi dərələrini birləşdirən yolda Gürcüstan Daxili İşlər Nazirliyinin Şida (Daxili) Kartli bölgə baş polis idarəsinin xüsusi təyinatlı dəstəsinə məxsus avtomobil partladılmışdır. Partlayış nəticəsində avtomobildə olan 7 nəfərin 6-sı yaralanmışdır. Zərərdidələr Qoridəki hərbi hospitala yerləşdirilmişlər.
İlkin məlumata görə, 5 nəfərin səhhəti ağırdır. Şida Kartli bölgəsinin qubernatoru Vladimir Vardzelaşvili hadisəni şərh edərkən bildirmişdir ki, partlayışı törədənlər mütləq cəzalandırılacaqlar. Qubernator Gürcüstan tərəfin adekvat tədbirlər görəcəyini demişdir.
Bölmənin digər xəbərləri
