Gürcüstan DİN narkotiklərlə əlaqədar 77 nəfəri saxlayıb
Tbilisi, 21 may, AZƏRTAC
Gürcüstan Daxili İşlər Nazirliyi (DİN) ölkə ərazisində narkotiklərin qanunsuz dövriyyəsinə qarşı keçirdiyi xüsusi əməliyyat çərçivəsində 23-ü narkotik alverçisi olmaqla 77 nəfəri saxlayıb.
AZƏRTAC xəbər verir ki, bu barədə Gürcüstan DİN məlumat yayıb.
Bildirilib ki, saxlanılanlar arasında İran, Türkiyə, Rusiya, Hindistan və Nigeriya vətəndaşları da var. Qeyd edilib ki, polis hər şeyi audio və videolentə qeydə alıb.
Saxlanılan şəxsləri 20 ilə qədər və ya ömürlük həbs cəzası gözləyir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
