GÜRCÜSTAN GƏMİSİ BOSFOR BOĞAZINDA BATMIŞDIR
AZƏRTAC-ın müxbiri Tbilisidən xəbər verir ki, Gürcüstan bayrağı altında üzən və Tunisdən Ukraynaya yük daşıyan “Müqəddəs Panteleymon” gəmisi Bosfor boğazında batmışdır.
Gürcüstan Nəqliyyat İdarəsinin rəisi Dursun Sinsadzenin sözlərinə görə, 25 nəfərlik heyətin bütün üzvləri xilas edilmişdir. Onların heç biri Gürcüstan vətəndaşı deyildir. 16 min ton su basımı olan və 1977-ci ildən istismar edilən gəminin sahibi Ukrayna şirkətlərindən biridir. Qəzanın səbələrinin araşdırılmasında Gürcüstan nümayəndəsi də iştirak edəcəkdir.
Bölmənin digər xəbərləri
