GÜRCÜSTAN MÜXALİFƏTİNİN LİDERLƏRİNDƏN BİRİNƏ SUİ-QƏSD EDİLMİŞDİR
AZƏRTAC-ın müxbiri Tbilisidən xəbər verir ki, Gürcüstan parlamentinə seçkilər yaxınlaşdıqca, deputatlığa namizədlərə qarşı təhlükəli əməllərin sayı artır. Oktyabrın 29-da Zuqdidi şəhərində Gürcüstanın sağ radikal müxalif Milli Hərəkat Partiyasının lideri Mixail Saakaşviliyə sui-qəsd törədilmişdir. Xəsarət alan olmamışdır.
Saakaşvili şəhər küçələrindən birində seçicilərlə görüş keçirərkən “Opel” markalı avtomobil yüksək sürətlə kütlənin üzərinə şığımışdır. Maşın dayanan kimi, ondan düşən silahlı adamlar Saakaşvilini gülləyə basmaq istəmişlər. Cangüdənlər çevik tərpənərək, faciənin qarşısını almış və basqınçıları tərk-silah etmişlər. Lakin onlar qaçıb aradan çıxmışlar.
Bölmənin digər xəbərləri
