GÜRCÜSTAN NATO-YA QOŞULMAĞA YAXIN VAXTLARDA HAZIR OLACAQ
AZƏRTAC-ın müxbiri xəbər verir ki, Prezidentin sözlərinə görə, “Gürcüstanın NATO-ya üzv olması üçün dəfedilməz maneələr yoxdur. Alyansa daxil olmaq üçün zəruri tələblərin 80 faizini yerinə yetirmişik və ya onlar başa çatdırılmaqdadır”. Prezident vurğulamışdır ki, “dövlətin xarici siyasət xətti saxlanılarsa, Gürcüstan NATO-ya qoşulmağa yaxın vaxtlarda hazır olacaqdır”.
Xatırladaq ki, E.Şevardnadze yarım il əvvəl bəyan etmişdi: “Gürcüstan NATO-ya daxil olmaqda son dərəcə maraqlıdır. Lakin Gürcüstanın coğrafi-strateji mövqeyini nəzərə alsaq, görərik ki, NATO-nun da bizə ehtiyacı böyükdür, çünki Azərbaycana və Xəzərə, oradan da Mərkəzi Asiyaya və Çinə çıxış ölkəmizdən keçir”.
Bölmənin digər xəbərləri
