Gürcüstan Prezidenti 34 məhkumu əfv edib
Tbilisi, 28 avqust, AZƏRTAC
Gürcüstan Prezidenti Salome Zurabişvili ölkədə qeyd olunan “Mariamoba” bayramı münasibətilə 34 məhkumu əfv edib.
AZƏRTAC xəbər verir ki, əfv olunanlardan 8-i qadın, 1-i isə yeniyetmədir.
Prezident Administrasiyası rəhbərinin müavininin vəzifələrini icra edən Angi Xutsişvili mətbuata bildirib ki, Salome Zurabişvili prezident seçildikdən sonra artıq 91 nəfərin əfv olunması ilə bağlı fərmanlar imzalayıb. “Bu proses davamlı olacaq və ölkə başçısı gələcəkdə də belə fərmanlar imzalayacaq”, - deyə A.Xutşişvili vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
