GÜRCÜSTAN RUSİYA İLƏ VİZA REJİMİNİ SADƏLƏŞDİRİR
AZƏRTAC-ın xüsusi müxbiri xəbər verir ki, Gürcüstan Rusiya Federasiyası ilə viza rejimini sadələşdirməyə başlamışdır. Bu proses Gürcüstan prezidenti Mixail Saakaşvilinin “Rusiya Federasiyası ilə viza rejiminin sadələşdirilməsi üzrə həyata keçirilən tədbirlər haqqında” 2004-cü il 22 iyul tarixli Sərəncamına müvafiq aparılır.
Gürcüstan Xarici İşlər Nazirliyindən verilən məlumata görə Rusiya vətəndaşları Tbilisi Beynəlxalq və Batumi aeroportlarında, Kazbeqi-Zemo (Yuxarı) Lars sərhəd-buraxılış məntəqəsində fəaliyyət göstərən konsul-viza xidmətlərindən 14 günlük viza alıb ölkəyə daxil ola bilərlər.
Xatırladaq ki, Rusiya Federasiyasının Prezidenti Vladimir Putin, 2000-ci ildə birtərəfli qaydada Gürcüstana viza rejimini tətbiq etmişdi.
Bölmənin digər xəbərləri
