GÜRCÜSTAN XİN-İN İKİ ƏMƏKDAŞI TUTULMUŞDUR
AZƏRTAC-ın xüsusi müxbiri xəbər verir ki, Gürcüstan Daxili İşlər Nazirliyinin əməkdaşları Xarici İşlər Nazirliyinin iki əməkdaşını narkotik maddələr qəbul etmək ittihamı əsasında tutmuşlar. Bunu jurnalistlərə XİN-in informasiya idarəsinin rəisi Nino Kacaya bildirmişdir.
Onun sözlərinə görə, tutulanlardan biri XİN-in Konsulluq departamentinin əməkdaşı, digəri isə diplomatik işçidir. Onlar Gürcüstanda qadağan olunmuş narkotik maddə - suboteks qəbul edirlərmiş.
XİN-in başçısı Gela Bejuaşvilinin qərarı ilə onlardan biri vəzifəsindən kənarlaşdırılmış, digərinin səlahiyyəti isə vəziyyətə aydınlıq gətirilənədək dayandırılmışdır.
Bölmənin digər xəbərləri
