GÜRCÜSTANDA 27 SEÇKİ MƏNTƏQƏSİNDƏ SEÇKİLƏR ETİBARSIZ SAYILMIŞDIR

10.11.2003 [16:02]
Çap et
A⁺ A^-

AZƏRTAC-ın müxbirinin Gürcüstan Mərkəzi Seçki Komissiyasından aldığı xəbərdə deyilir ki, ölkə parlamentinə noyabrın 2-də keçirilən seçkilər zamanı 2870 səsvermə məntəqəsindən 27-də seçkilərin nəticələri etibarsız hesab edilmişdir. Onlardan bəzilərində seçkilər prosedur xarakterli pozuntulara görə, digərlərində isə hüquq pozuntularına görə baş tutmamışdır. Bu məntəqələrdə təkrar seçkilər noyabrın 16-da keçiriləcəkdir.

Namizədlərdən heç birinin lazımi miqdarda səs toplamadığı majoritar dairələrdə ikinci tur noyabrın 23-də olacaqdır. İlkin məlumata görə, 75 majoritar dairədən 10-da təkrar seçki keçiriləcəkdir.

Seçki məntəqələrinin 95 faizində ilkin hesablamaların nəticələrinə görə, birinci yeri Eduard Şevardnadzenin başçılıq etdiyi iqtidaryönlü “Yeni Gürcüstan uğrunda” bloku tutur. O, səslərin 21 faizini toplamışdır. İkinci yerdə Acarıstan lideri Aslan Abaşidzenin “Dirçəliş” partiyası gəlir – səslərin təxminən 20 faizi. Sağ radikal müxalif bloklar – “Milli hərəkat” (Mixail Saakaşvili) və “Burcanadze-demokratlar” müvafiq surətdə 18 və 8 faiz səslə 3-cü və 5-ci yerdədirlər.

Səslərin hesablanılması prosesi davam edir.

GÜRCÜSTANDA 27 SEÇKİ MƏNTƏQƏSİNDƏ SEÇKİLƏR ETİBARSIZ SAYILMIŞDIR

MÜƏLLİFLƏ ƏLAQƏ

Bölmənin digər xəbərləri