GÜRCÜSTANDA İDXAL VƏ BÜDCƏYƏ VERGİ DAXİLOLMALARI AZALMAQDADIR
AZƏRTAC-ın müxbirinin Tbilisidən verdiyi xəbərə görə, Gürcüstanın iqtisadiyyat naziri Georgi Qaçeçiladze noyabrın 11-də jurnalistlərlə görüşündə demişdir ki, ölkədə siyasi vəziyyətin gərginləşməsi son günlər respublikaya idxal edilən malların azalmasına səbəb olmuşdur. Onun sözlərinə görə, “idxalın azalması dövlət büdcəsinə daxil olan pul (gömrük) gəlirlərini də azaltmışdır. Bu isə yaxın vaxtlarda sosial-iqtisadi proqramlara təsir göstərə bilər”.
Daxili işlər naziri Koba Narçemaşvili isə bildirmişdir ki, “idxalın azalması göz qabağındadır, bu, Gürcüstanda bir sıra malların qiymətinin artmasına və gələcəkdə milli valyutanın - larinin məzənnəsinə təsir edə bilər”. Nazir gərginliyin artacağı halda, gürcü mallarının ixracının da azalacağını istisna etmir.
Bölmənin digər xəbərləri
