GÜRCÜSTANDA MÜƏLLİMLƏRİN MAAŞLARI 10 FAİZ ARTIRILACAQ
AZƏRTAC-ın xüsusi müxbiri xəbər verir ki, Gürcüstanın təhsil və elm naziri Aleksandr Lomaya müəllimlərin problemləri ilə daha ətraflı tanış olmaq və bunların həlli yollarını birlikdə müzakirə etmək üçün onlarla görüşmüşdür. Görüşdə söhbət, ilk növbədə, müəllimlərin əmək haqqından getmişdir. Nazir bildirmişdir ki, ölkə parlamenti yeni Vergi Məcəlləsinə dair qanun layihəsini təsdiqlədikdən sonra müəllimlərin maaşı 10 faiz artırılacaqdır.
Nazir etiraf etmişdir ki, bu, müasir tələblər baxımından çox azdır, lakin gələn ildən məktəblərin maliyyələşdirilməsi nəzərəçarpacaq dərəcədə yaxşılaşdırılacaq, müəllimlərin ixtisaslarının artırılması üçün lazım olan məbləğ dövlət tərəfindən ödəniləcəkdir.
Bölmənin digər xəbərləri
