GÜRCÜSTANIN DAXİLİ İŞLƏR NAZİRİ DƏ DƏYİŞDİ

28.11.2003 [11:19]
Çap et
A⁺ A^-

AZƏRTAC-ın müxbiri Tbilisidən xəbər verir ki, Gürcüstan parlamentinin noyabrın 27-də keçirilən fövqəladə iclasında “Burcanadze-demokratlar” blokunun liderlərindən biri Georgi Baramidze daxili işlər naziri təyin olunmuşdur. Bu vəzifədə o, noyabrın 24-də istefa verən Koba Narçemaşvilini əvəz etmişdir.

Georgi Baramidze jurnalistlərlə söhbətində bildirmişdir ki, polis sistemində görünməmiş miqyas alan korrupsiya və rüşvətxorluqla barışmaz mübarizə aparılmasını başlıca vəzifələrdən biri hesab edir. Onun sözlərinə görə, korrupsiyanın və rüşvətxorluğun miqyasının azaldılması hüquq pozuntuları ilə mübarizə sahəsində işin səmərəliyini artırmağa imkan verəcəkdir.

Georgi Baramidzenin 35 yaşı vardır, Tbilisi Texniki Universitetinin kimya fakültəsini bitirib. 1995-ci ildə Almaniyada Corc Marşall adına mərkəzdə, 1989-1999-cu illərdə ABŞ-ın Corctaun Universitetində oxuyub. 1992-ci ildən parlamentin deputatıdır. Son iki ildə E.Şevardnadzeyə qarşı müxalifətdə olub. Rus, ingilis və fransız dillərini bilir.

GÜRCÜSTANIN DAXİLİ İŞLƏR NAZİRİ DƏ DƏYİŞDİ

MÜƏLLİFLƏ ƏLAQƏ

Bölmənin digər xəbərləri