GÜRCÜSTANIN TƏHLÜKƏSİZLİK NAZİRLİYİ NARAHATLIĞINI BİLDİRİR
AZƏRTAC-ın müxbirinin Tbilisidən verdiyi xəbərə görə, Gürcüstan Dövlət Təhlükəsizliyi Nazirliyi mətbuat xidmətinin rəhbəri Nika Laliaşvili dekabrın 1-də jurnalistlərlə görüşündə bildirmişdir ki, “ölkədə və onun hüdudlarından kənarda olan müəyyən şəxslər respublikanın bir sıra keçmiş və indiki dövlət xadimlərinə qarşı sui-qəsd hazırlayırlar”.
O demişdir: “Dövlət xadimlərinin qətlə yetirilməsi üçün hazırlanan terror aktlarından məqsəd ölkədə dinamik xaos vəziyyəti yaratmaqdır”.
“Milli hərəkat” blokunun lideri, prezidentliyə namizəd Mixail Saakaşvili açıqlamışdır ki, onda belə məlumat var. Lakin, onun sözlərinə görə, “heç bir qüvvə ölkənin demokratiya yolu ilə irəliləməsini dayandıra bilməyəcəkdir”.
Bölmənin digər xəbərləri
