HADİSƏ YERİNDƏN QAÇMIŞ HƏR İKİ SÜRÜCÜTUTULMUŞDUR

28.11.2006 [22:57]
Çap et
A⁺ A^-

Daxili İşlər Nazirliyinin mətbuat xidmətindən AZƏRTAC-a verilən məlumata görə, noyabrın 27-də saat 21:00 radələrində, Xətai rayonunun M.Rüstəmov küçəsində, Bakı şəhər sakini Eyvaz Osmanov sərxoş halda idarə etdiyi “BMW” markalı avtomaşınla paytaxt sakinləri Aydın Abbasovu, Allahyar Duryanovu və Hüseynağa Əhmədovu vuraraq hadisə yerindən qaçmış, M.Hadi küçəsində isə Xanım Rəsulovanı vurmuşdur. Nəticədə X.Rəsulova hadisə yerində ölmüş, adıçəkilən üç nəfər xəsarətlə xəstəxanaya yerləşdirilmişlər.

Xətai Rayon Polis İdarəsi 34-cü bölməsi əməkdaşlarının keçirdiyi əməliyyat tədbirləri nəticəsində E.Osmanov tutulmuşdur.

Nobel prospektində Bülbülə qəsəbə sakini Mehman Bayramov “Tofaş” markalı avtomaşınla 55-60 yaşlı qadını vurub öldürmüş və hadisə yerindən qaçmışdır.

M.Bayramov Xətai Rayon Polis İdarəsi 37-ci bölməsinin əməkdaşları tərəfindən həbs edilmişdir.

Hər iki hadisə ilə bağlı cinayət işi açılmışdır, təhqiqat aparılır.