Həftə ərzində yol infrastrukturu ilə bağlı görülən işlər açıqlanıb
Bakı, 28 oktyabr, AZƏRTAC
Azərbaycan Avtomobil Yolları Dövlət Agentliyi (AAYDA) tərəfindən respublika ərazisində oktyabrın 24-dən 28-dək yol infrastrukturu sahəsində həyata keçirilən təmir və yenidənqurma işləri ilə bağlı məlumat açıqlanıb.
Agentliyin İctimaiyyətlə əlaqələr şöbəsindən AZƏRTAC-a bildirilib ki, bu dövrdə Badamdar qəsəbəsində iki küçənin təmiri işləri artıq yekunlaşmaq üzrədir, Zığ qəsəbəsində isə məhəllədaxili yollarda təmir işləri aparılır.
Həmçinin Qax rayonunun Qaxbaş kəndinin mərkəzi küçəsinin əsaslı şəkildə yenidən qurulması davam edir, Xətai rayonunda iki küçə təmir olunur, Zığ-Hövsan yolunun əsaslı şəkildə yenidən qurulması işləri yekunlaşır.
Eyni zamanda, Zığ qəsəbəsinin məhəllədaxili yollarının təmiri işləri yekunlaşmaq üzrədir, Qəbələ rayonunda isə 10 yaşayış məntəqəsini əhatə edən yollar yenidən qurulub.
Bölmənin digər xəbərləri
