Həkim-metodist: Erkən nikahı qadağan edən qanunlara baxmayaraq Azərbaycanda bu hallar istisna deyil
Bakı, 15 may, AZƏRTAC
“Azərbaycan Respublikası Ailə Məcəlləsinin 10-cu maddəsinə əsasən Azərbaycan Respublikasında nikah yaşı 18 yaş müəyyən edilib”.
AZƏRTAC xəbər verir ki, bu fikirləri Səhiyyə Nazirliyinin rəsmi instaqram hesabındakı canlı yayım zamanı İctimai Səhiyyə və İslahatlar Mərkəzinin Səhiyyə siyasəti və planlaşdırma şöbəsinin həkim-metodisti Afət Məmmədova açıqlayıb.
Onun sözlərinə görə, nikah yaşı yetkinlik yaşına çatma ilə müəyyən olunur: “18 yaş vətəndaşın tam hüquq qabiliyyəti əldə etdiyi vaxta təsadüf edir. Bu da o deməkdir ki, insan öz hüquqlarını dərk edərək hərəkət edir və məsuliyyət daşımaq bacarığı var. Ailəsi, həmçinin gələcək uşaqları qarşısında olan mənəvi borcunu yerinə yetirməyə hazırdır və cavabdehdir”.
A.Məmmədova bildirib ki, bu səbəblərdən 18 yaşından tez ailənin qurulması erkən nikah hesab edilir: “Erkən nikahı qadağan edən qanun və qaydaların olmasına baxmayaraq, bir çox ölkələrdə erkən nikah praktikası mövcuddur və Azərbaycanda bu hallar istisna deyil”.
Bölmənin digər xəbərləri
