Həmvətənimiz Voljsk şəhəri başçısının müavini təyin edilib
Moskva, 8 sentyabr, AZƏRTAC
Həmvətənimiz Qəzənfər Quliyev Rusiyanın Mariy El Respublikasının Voljsk şəhəri başçısının müavini təyin edilib.
AZƏRTAC xəbər verir ki, Q.Quliyev 2015-ci ildən Voljsk meriyasında işləyir. Bundan əvvəl о, şəhər meri İqor Voroninin müavininin vəzifələrini icra edirdi.
Qəzənfər Quliyev 1963-cü ildə Azərbaycanda anadan olub, 1981-ci ildən Volqoqradda, 2010-cu ildən isə Voljskdə yaşayır. O, Volqoqrad İnşaat Mühəndisləri İnstitutunu və Volqoqrad Dövlət Universitetini bitirib. Volqoqrad Dövlət Texniki Universitetinin aspirantura bölməsində təhsil alıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
