HƏRBİ GÜRCÜSTAN YOLUNU QAR BASMIŞDIR
Gürcüstan Daxili İşlər Nazirliyinin Fövqəladə Hallar Departamenti bildirmişdir ki, ölkədə son iki gündə güclü qar yağması nəticəsində həmin yolda avtomobillərin hərəkəti dayandırılmışdır. Kazbeqi rayonu ərazisində yolun bəzi hissələrində qar örtüyünün qalınlığı 80-90 santimetrə çatır. İçərisində 60 sərnişin olan üç avtobus, habelə 12 minik və 6 iri yük maşını Kobi dağ qəsəbəsində ilişib qalmışdır. Yolun başqa bir aşırımında da xeyli maşın qar “tələsinə” düşmüşdür.
Sərnişinləri və maşınları xilas etmək üçün təcili tədbirlər görülür.
Bölmənin digər xəbərləri
