Həyat tərzimiz göz sağlamlığından xəbər verir
Noyabrın 6-da Azərbaycan Dillər Universitetində (ADU) “Sağlam həyat tərzi sağlam gələcəyə zəmanətdir” layihəsi çərçivəsində “Həyat tərzimiz göz sağlamlığından xəbər verir” mövzusunda tədbir keçirilib.
ADU-nun ictimaiyyətlə əlaqələr departamentindən AZƏRTAC-a bildiriblər ki, tədbirdə “Ofka” Göz Klinikasının baş həkimi, tibb elmləri doktoru, professor Çingiz Cərullazadə “Həyat tərzimiz göz sağlamlığından xəbər verir” mövzusunda çıxış edib.
Azərbaycanda oftalmologiyanın inkişafı və bu istiqamətdə akademik Zərifə Əliyevanın böyük rolu xüsusi vurğulanıb.
Daha sonra mövzuya aid videoçarx nümayiş olunub.
Tədbirdə elm və texnikanın inkişaf etdiyi müasir dövrdə kompyuter, mobil telefon və digər cihazların gözə təsiri, yaxın və uzaq görmə pozğunluqları, nəqliyyatda mütaliənin gözə təsiri, gözün anatomiyası, fiziologiyası, plastikası kimi mövzulardan da bəhs olunub.
Sonda tələbələrin sualları cavablandırılıb.
Bölmənin digər xəbərləri
