HEYDƏR ƏLYEV DÖVLƏT GƏNCLƏR SİYASƏTİNİN BANİSİDİR
AZƏRTAC xəbər verir ki, Xəzər Universitetinin “Dünya” konsert salonunda Tələbə Məclisi və “Gələcəyə Doğru” Təşəbbüskar Tələbə Gənclər İctimai Birliyinin təşkilatçılığı ilə ümummilli liderimiz Heydər Əliyevin 85 illik yubileyinə həsr olunmuş tədbir keçirilmişdir.
Tədbirdə Azərbaycan gəncliyinin son illərdə keçdiyi şərəfli yoldan, dahi Heydər Əliyevin başladığı dövlət gənclər siyasətinin uğurlu bəhrələrindən və ulu öndərin layiqli davamçısı Prezident İlham Əliyevin bu istiqamətdə həyata keçirdiyi tədbirlər sayəsində qazanılan nailiyyətlərdən söhbət açılmışdır. Bildirilmişdir ki, ümummilli liderimiz Heydər Əliyev Azərbaycana rəhbərlik etdiyi müxtəlif illərdə gənc nəslə diqqət və qayğını daim ön plana çəkmişdir. Azərbaycanı gənclər ölkəsi, gəncləri isə Azərbaycanın dayağı, gələcəyi adlandıran ulu öndər gənclər siyasətini dövlətin ən ümdə vəzifələrindən biri hesab etmişdir.
Tədbir konsert proqramı ilə davam etdirilmişdir.
Konsertdə tanınmış estrada ulduzları və rəqs qrupları ulu öndərə həsr olunmuş mahnılar və digər musiqi nömrələri ifa etmişlər.
“Heydər Əliyev və Azərbaycan gəncliyi” mövzusunda videoçarx nümayiş etdirilmişdir.
Bölmənin digər xəbərləri
